Hai festas que nunca se esquecen.

Durante moitos anos, aproximadamente entre os anos 80 e comezos dos 2000, o Penedo Redondo encheuse de veciñas, veciños, familias e amizades para celebrar a tradicional Festa do Deporte.

Foron días cheos de alegría, deporte, música e xogos populares. Un lugar onde grandes e pequenos compartían risas, ilusión e bos momentos.

Despois de máis de 20 anos sen celebrarse, a Asociación de Veciños quere recuperar esta tradición. Facémolo pouco a pouco, con moita ilusión e co desexo de volver xuntar a toda a xente arredor dunha festa que forma parte da nosa historia.

8 e 9 de agosto de 2026

Dous días cheos de deporte, música, gastronomía, tradición e diversión para todas as idades.

Programa

Sábado 8 de agosto

11:00 – Partido entre Barrios (Homes)
Do río para abaixo contra o río para arriba. ¡Hai partido!

12:00 – Partido entre Barrios (Mulleres)Do río para abaixo contra o río para arriba. ¡Hai partido!

13:30 – Xantar popular.

14:30 – Xanta coma un rei ou unha raíña na área recreativa.
Picaña, bocadillos de porco ao espeto e moito máis.

16:00 – Comezo dos xogos populares.

16:30 – Campionato de futbolín.

16:30 – Campionato de tute.

Durante toda a tarde tamén poderás participar no xogo da chave e noutras actividades tradicionais.

21:30 – Cea especial con bocadillos de porco ao espeto.

22:30 – Remember Night cos mellores éxitos dos anos 80, 90 e 2000, da man dos DJs Ramón Eclipse e DJ Krlos.

Domingo 9 de agosto

12:30 – Gran sesión vermú con música remember e ambiente festivo.

14:30 – Xantar de clausura con polbo á galega, acompañado doutras opcións gastronómicas para despedir a festa.

Unha festa con moita historia

A Festa do Deporte era coñecida polos seus xogos tradicionais, que durante anos fixeron gozar a xeracións enteiras.

Moitas persoas lembran con cariño actividades como:

• A chave.
• A billarda.
• Os bolos celtas.
• O clavo.
• O trompo.
• Os zancos.
• Carreiras de sacos.
• Carreiras co ovo.
• O tiro á corda.
• A volta ciclista.
• O salto do saco.
• A escalada ao pau de graxa para intentar coller o xamón.

Cada proba era unha oportunidade para participar, rir e compartir unha xornada inesquecible.

Queremos volver crear novos recordos

Esta festa non é só unha celebración deportiva.

É un lugar para reencontrarse coa familia, cos amigos e coa veciñanza.

É unha oportunidade para que as novas xeracións descubran os xogos populares cos que medraron os seus pais e avós.

É unha fin de semana para compartir, colaborar e manter vivas as nosas tradicións.

Inscríbete e forma parte desta historia

FORMULARIO DE INSCRICIÓN AOS TORNEOS

https://penedorememberfest.com/#torneos

A Festa do Deporte volve grazas ao esforzo da Asociación de Veciños e de todas as persoas colaboradoras.

Agora tócache a ti!

Participa nas actividades.

Anímate a competir.

Goza da gastronomía, da música e dos xogos populares.

Comparte a fin de semana coa túa familia e amizades.

Axúdanos a recuperar unha tradición que nunca debería desaparecer.

Os días 8 e 9 de agosto de 2026 agardámoste no Penedo Redondo.

O Penedo Redondo volve latir. Volven os xogos populares, volve o deporte e volve a ilusión. Non faltes!

O vindeiro 21 de xuño, a partir das 10 da mañá, celébranse os Primeiros Xogos Tradicionais Terras do Caselas, unha xornada de convivencia, deporte popular e tradición organizada polas asociacións de veciños de San Xurxo, A Picoña, Parderrubias, Castro Barreiro, Soutelo, Santa María e Entienza, de Salceda de Caselas.

A primeira edición debates xogos tera lugar na parroquia da Picoña, e desenvolveranse xogos tradicionais como os bolos, os sacos, o ovo, o pañuelo, a pincha, a chave… xogos para todalas idades.

Este evento busca recuperar os xogos de toda a vida, fomentar o espírito de comunidade e representar con orgullo as distintas parroquias do noso concello.

Chámase á participación de equipos que representen a cada parroquia, e queiran formar parte desta primeira edición histórica.

O prazo para rexistrarse está aberto ata o 21 de maio, e os equipos interesados en representar a Parderrubias ou calquera das parroquias participantes deben inscribirse antes desa data límite.

Será unha xornada para gozar en familia e lembrar as nosas raíces a través do xogo, a colaboración e o bo ambiente.

Anímate a participar e representar á túa parroquia!