A Asociación de Veciños de Parderrubias continúa a traballar na mellora da Aula Sénior, un espazo de referencia na provincia que acolle e atende ás persoas maiores da parroquia e os arredores. Actualmente, a Aula Sénior conta cunha media de 11 usuarias e usuarios anuais que se benefician dun amplo abano de actividades.

Nun recóndito lugar da parroquia de Parderrubias, no concello de Salceda de Caselas, desenvólvense diferentes actividades cognitivas e de sociabilidade que permiten ás nosas avoas e avós desfrutar das tardes nun ambiente acolledor e participativo. Estas actividades non só teñen como obxectivo a mellora das capacidades sensoriais e cognitivas, senón que tamén se converten nun importante punto de encontro, fomentando a convivencia e a creación de momentos emotivos compartidos e de loita contra a soidade non desexada.

Para levar a cabo esta iniciativa, a Aula Sénior conta cunha educadora social que acode os luns, mércores e venres en horario de 16:00 a 19:30 horas, desenvolvendo actividades orientadas a mellorar as relacións sociais e a capacidade memorística das persoas participantes.

Moitas das usuarias e usuarios manifestaban anteriormente un sentimento de soidade, agravado pola falta de mobilidade e pola dificultade para participar en encontros sociais. Grazas á Aula Sénior, as persoas maiores participan en vídeos, saídas, xogos e diferentes dinámicas que contribúen de maneira significativa á mellora do seu estado de ánimo e benestar emocional.

Ver ás nosas persoas maiores felices, activas e compartindo experiencias é, sen dúbida, o maior éxito desta iniciativa.

Para o desenvolvemento da actividade, contamos coa colaboración económica da Deputación de Pontevedra, a través dunha achega de 3.600 euros para actuacións no ámbito social que teñen permitido ampliar o horario de actuación, e do Concello de Salceda de Caselas mediante o Pacto de Estado, cunha achega de 1.500 euros. A isto súmase a contribución das persoas usuarias, cunha cota mensual de 55 euros.

Grazas a estas achegas, a Asociación de Veciños de Parderrubias pode dar continuidade ás actividades da Aula Sénior, mantendo o seu compromiso de seguir chamando a diferentes portas para garantir a continuidade e mellora deste proxecto social tan necesario para a concialiación familiar e o acompañamento dos nosos maiores.

Se tes interés en informarte sobre esta actividade ou tes algún familiar que queira asistir, podes facelo contactando co numero da asociación a través de whatsapp: +34 648 03 07 23 ou visitar a nosa WEB: https://www.aavvparderrubias.com

Cabalgata de Papá Noel – 24 de decembro
Preparádevos para recibir a Papá Noel nun percorrido cheo de ilusión!

15:00h: Saída dende o Obradoiro Social A Revolta para percorrer o barrio da Revolta -presa para regresar o centro cultural.

16:15h: Recepción de Papá Noel e agasallos para os nenos no Centro Cultural de Parderrubias.

16:30h: Actuación da Rondalla de Ventosela (Redondela) no Centro Cultural.

Visita dos Reis Magos – 5 de xaneiro
Súas Maxestades de Oriente non faltarán á súa cita anual coa nosa parroquia.

15:00h: Desfile de Súas Maxestades pola parroquia de o tempo acompaña.

16:00h: Recepción e sorpresas no Centro Cultural de Parderrubias.

18:00 participación da cabalgata de parderrubias na gran cabalgata de Salceda de Caselas.

BUSCAMOS PARTICIPANTES!
Queres vivir o Nadal dende dentro? Buscamos persoas que queiran participar nas cabalgatas do 5 de xaneiro. Se tes ganas de divertirte e repartir ilusión, ponte en contacto con nós!

Como participar ou solicitar información?

WhatsApp da Directiva: +34 648 03 07 23.

Agardámoste para celebrar estas festas en comunidade!

Como todolos nos preparamos con agarimo e devoción os actos que cada año forman parte da Nosa programación.

Esta programación conta tod@s os anos con actividades para todos os públicos que tratan de poñer en valor a nosa tradición, os nosos costumes, a Nosa lingua e de crear comunidade favoreciendo espazos onde poidamos compartir encontros con outros veciños e veciñas da nosa ou doutras parroquias dos arredores.

Entre as actividades que se celebra este día están a “Exposición da colleita”, una exposición de instrumentos tradicionais gallegos e ferramentas que se empregaba no campo, cubro con frontis propios do tempo.

Este ano sumamos un acto especial, a proxeccion do video titulado: ¿Qué podemos aprender dos avós?,Un vídeo que non é só un vídeo, senón unha historia compartida, feita de lembranzas, afectos e colaboración que tanto nos gustan na Asociación de veciños, entre nenos, xóvenes, maiores e distintos grupos de asociación e administración públicas.

Entre os artistas principais, os nosos maiores, protagonistas deste vídeo, os que damos as grazas por compartir connosco a súa memoria, a súa voz e a súa sabedoría: Ana maría, Valeriana, fina, Otilia, lucita, rosa, ramona, luz, minda, maruxa, juan, salvador e Pura e Justo.
Grazas por abrirnos as portas da vosa vida e por seguir sendo exemplo de comunidade viva.

A producción e edición da pieza visual correu a cargo de Marco Romero Lemos e contó co apoio funcional e presupostario da Asociación de veciños San Tomé Parderrubias e a Asociación Xuvenil San Amaro de Parderrubias.

Esta creación audiovisual estivo subvencionada cun total de case 4.500€ pola Deputacion de Pontevedra, onde se inclúen outras liñas de traballo como a formación os nosos maiores en redes sociais.

Contamos coa asistencia de moitos veciños e amigos que encheron o auditorio.

A continuación tivo lugar o acto de entrega do PREMIO VECIÑO HONORAbLE 2025 que este año recaeu en Salvador González Estévez, Veciño da Revolta de 93 años e mais de 20 años como socio da Asociación de veciños.

A presidenta da asociación dirixiu algunhas palabras o auditorio: “A vosa confianza é fundamental para que iniciativas como esta sigan medrando.
Este vídeo é moito máis que imaxes: é un reflexo do que somos cando traballamos xuntos,
cando poñemos en común o que temos e o que somos. Que este acto sexa un recordatorio de que a unión fai a forza, e que a nosa parroquia ten futuro porque ten memoria.”

Todo o acto estuvo amenizado pola vas de música SDS (Somos de Salceda), unha banda xoven que ven pegando moi forte

A continuación tivo lugar o serán no que participaron varios grupos da contorna mentres se disfrutaba duns vos pinchos de chourizo e Ourella, e un chocolate ben quente.

Todolos anos na nosa parroquia os veciños e veciñas se reúnen de forma espontánea para seguir mantendo esta tradicion que ven pasando de país a fillos e que engalana as rúas da nosa contorna.

De forma inesperada os veciños e veciñas comezan co traballo ben cedo, sobre as cateo da tarde pero xa teñen feito os traballos previos: uns donan as flores, outros donan o verde, outros donan o café, o serrín…

Pero hoxe descubrimos que moitas destas tarefas comezan o ano anterior, tinguindo o serrín, secandoo, e peneirandoo despois.

Que traballo tan bonito e con tanta devoción por manter as tradicions dos nosos avos e avoas.

E este ano non podía ser doutro xeito. Os maiores da Revolta da aula senior tamén quixeron participar e picaron no verde que mañan lociran as nosas alfombras.

E a procesión paseará por encima delas metros todos pensamos nos desexos, na intención e na paixón que puxemos en cada flor.

Porque está é unha desas tradicions que merece a pena vivir, porque alguns veciños e veciñas o fan con moito amor para o desfrute de todos.

E así remató de porse a última flor a unha e media da mañan satisfechos polo traballo en equipo, e por saber que un año máis puidemos manter esta tradición tan bonita!

Grazas a aqueles que participasteis por facer algo tan fermoso pola parroquia e grazas a aqueles que ano tras ano loitades por seguir mantendo a tradición viva e pasala de uns a outros, para que ninguen esqueza este día.

«Plantando Vida» e unha actividade organizada pola Asociación de Veciños de Parderrubias e a Comunidad de Montes de Parderrubias, co apoio da Xunta de Galicia Distrito XVIII, nunha xornada de plantación de árbores que ten como obxectivo sensibilizar sobre a importancia da conservación do medio ambiente e o coidado dos nosos montes.

Na xornada levarase a cabo a plantación de 50 árbores doadas pola Xunta de Galicia, e terá como motivación a conmemoración do Día do Árbore. Será ademáis unha excelente oportunidade para concienciar á comunidade sobre a nosa responsabilidade compartida no coidado do entorno natural e a preservación dos nosos recursos forestais.

Unha xornada educativa e participativa
Durante a plantación, na que os veciños e veciñas de todas as idades terán a oportunidade de participar activamente na sementeira das árbores, axudando a mellorar e revitalizar o paisaxe de Parderrubias. Para garantir a seguridade e a correcta execución da actividade, contarase coa presenza dunha motobomba, un axente ambiental e unha brigada forestal que proporcionarán información valiosa sobre como protexer os nosos montes e como actuar no caso de avistar un incendio forestal.

O axente ambiental e a brigada forestal compartirán a súa experiencia e coñecementos sobre a importancia de coidar os nosos montes e as precaucións necesarias para evitar incendios. Tamén ofrecerán consellos prácticos sobre os coidados mínimos que debemos ter ao visitar os nosos bosques e como podemos previr situacións de risco.

Un chamamento á comunidade
O evento está deseñado para que tanto maiores como pequenos participen, fomentando a unión interxeracional e o compromiso de todos os membros da comunidade no coidado do seu entorno. Buscamos que toda a veciñanza se sienta involucrada e comprenda que iniciativas como esta contribúen de maneira significativa ao benestar de todos.

Este tipo de actividades non só serven para plantar árbores, senón tamén para reforzar o sentimento de comunidade e responsabilidade colectiva, axudando aos máis novos a entender a importancia da natureza e o respecto polo medio ambiente.

A importancia de coidar o medio ambiente
Nun mundo onde a protección do medio ambiente é cada vez máis urxente, «Plantando Vida» é un recordatorio de que, aínda que os nosos esforzos individuais poidan parecer pequenos, cada acción conta. Esta actividade demostra como a colaboración entre os veciños e as organizacións locais pode marcar unha diferenza real na conservación dos nosos recursos naturais.

«Plantando Vida» non é só unha xornada para sementar árbores, senón un chamado á acción para seguir mantendo o compromiso co coidado do entorno, especialmente en tempos de crecente preocupación polo cambio climático e a saúde dos nosos ecosistemas.

Desde a Asociación de Veciños de Parderrubias e a Comunidade de Montes de Parderrubias, anímase a todos os veciños a participar, compartir esta iniciativa cos seus familiares e amigos, e sentirse parte dun movemento que, a través de pequenos xestos, está facendo moito polo medio ambiente.

¡Agardámoste en «Plantando Vida»! Xuntos podemos facer a diferenza.

Hoxe é o último día para rexistrarse no taller 1 da primeira edición de «Yo conecto» que levará a cabo en parderrubias do 24 ao 27 de Marzo. O curso é gratuito e poderán acceder a él todas aquelas persoas maiores de 60 anos.

• Taller 1: L.1. Iniciación ao Mundo Dixital

• Programación: Luns 24 de Marzo ao Xoves 27 de Marzo. Horario: 16:30-18:30

• Modalidade: Presencial

Neste curso aprenderás os primeiros pasos no uso do computador ou o móbil, desde descargar unha app, facer unha videochamada ou enviar un correo electrónico.

«YoConecto» son cursos adaptados a todos os niveis, que permitirán ás persoas participantes aprender a navegar de forma segura por Internet, realizar xestións coa Administración electrónica e a banca dixital. Ademais, poderán utilizar redes sociais e ferramentas dixitais de maneira creativa e segura, comunicarse por videochamada e descubrir plataformas e apps para a aprendizaxe, o lecer e a saúde.

Tamén aprenderán a impulsar o seu negocio en contornas dixitais e a crear o seu currículo dixital. Todo o que necesitan para avanzar en internet.

Estas actuacións forman parte da iniciativa Xeración D impulsada por Red.es, Ministerio para a Transformación Dixital e da Función Pública, e están financiadas polo Plan de Recuperación, Transformación e Resiliencia a través dos fondos Next Generation da Unión Europea.