Grazas a todos polo voso compromiso con Parderrubias!

Asociación de Veciños de Parderrubias

E para elo visitaremos esta vez as terras de Cangas, e disfrutaremos dun fabuloso paseo en barco. Se queres acompañarnos apúntate o próximo día 6 de xullo no centro cultural de parderrubias, en salceda de caselas.

Parderrubias, 30 de marzo de 2025.- Onte, na localidade de Parderrubias, tivo lugar a visita do Presidente da Cámara Municipal de Tarrafal de Cabo Verde, José dos Reis, e do Concelleiro Osvaldo Chantre, acompañados polo Alcalde de Nigrán, Juan Antonio González. Os representantes de Tarrafal foron recibidos no Obradoiro Social da Revolta pola presidenta da Asociación de Veciños San Tomé de Parderrubias, María Rodríguez, e a secretaria, Carla Pérez, co obxectivo de establecer unha hermandade de colaboración entre a Asociación de Veciños de Parderrubias e a Cámara de Comercio de Tarrafal.

A visita marcou o inicio dun proceso de colaboración entre as dúas localidades, no que se busca implementar proxectos conxuntos que sexan útiles para as poboacións de ambas as aldeas. Un dos principais obxectivos desta colaboración é crear actividades que favorezan o desenvolvemento social e económico, especialmente no que respecta á formación das mulleres de Tarrafal.

A través de vídeos educativos realizados polos veciños de Parderrubias, onde se compartirán coñecementos prácticos e formación en diversas áreas, inclúese tamén a idea de crear contidos audiovisuais protagonizados polas mulleres de Tarrafal. Estes vídeos terán como obxectivo ensinar técnicas de artesanía tradicional, permitindo que as mulleres de Tarrafal compartan os seus coñecementos e habilidades con outras, contribuíndo ao empoderamento feminino e ao intercambio cultural entre as dúas comunidades.

Ademais, a Asociación de Veciños San Tomé de Parderrubias comprometeuse a prestar axuda tecnolóxica á Cámara de Comercio de Tarrafal, co desenvolvemento da súa páxina web. Este proxecto será levado a cabo por Alfredo, colaborador habitual da Asociación e presidente do CB Caselas, que se encargará de crear a plataforma para mellorar a visibilidade e a conectividade de Tarrafal a nivel internacional.

Outro dos puntos acordados foi a creación dun grupo de WhatsApp colaborativo para que as mulleres de Tarrafal poidan interactuar entre elas, compartir coñecementos e ofrecerse apoio mutuo. Este grupo tamén permitirá que os voluntarios colaboradores da Asociación de Veciños poidan ofrecer axuda en tempo real, fomentando valores de cooperación, solidariedade e empoderamento.

Esta colaboración é un paso importante na creación de vínculos máis fortes e duradeiros entre Parderrubias e Tarrafal de Cabo Verde, e reflicte o compromiso das dúas partes por mellorar a calidade de vida das súas veciñanzas e fomentar o intercambio de experiencias enriquecedoras. A asociación entre a Asociación de Veciños San Tomé de Parderrubias e a Cámara de Comercio de Tarrafal tamén se enmarca dentro dunha estratexia de cooperación internacional para mellorar as oportunidades formativas e culturais en ambas as localidades.

Para máis información:

Asociación de Veciños San Tomé de Parderrubias

«Plantando Vida» e unha actividade organizada pola Asociación de Veciños de Parderrubias e a Comunidad de Montes de Parderrubias, co apoio da Xunta de Galicia Distrito XVIII, nunha xornada de plantación de árbores que ten como obxectivo sensibilizar sobre a importancia da conservación do medio ambiente e o coidado dos nosos montes.

Na xornada levarase a cabo a plantación de 50 árbores doadas pola Xunta de Galicia, e terá como motivación a conmemoración do Día do Árbore. Será ademáis unha excelente oportunidade para concienciar á comunidade sobre a nosa responsabilidade compartida no coidado do entorno natural e a preservación dos nosos recursos forestais.

Unha xornada educativa e participativa
Durante a plantación, na que os veciños e veciñas de todas as idades terán a oportunidade de participar activamente na sementeira das árbores, axudando a mellorar e revitalizar o paisaxe de Parderrubias. Para garantir a seguridade e a correcta execución da actividade, contarase coa presenza dunha motobomba, un axente ambiental e unha brigada forestal que proporcionarán información valiosa sobre como protexer os nosos montes e como actuar no caso de avistar un incendio forestal.

O axente ambiental e a brigada forestal compartirán a súa experiencia e coñecementos sobre a importancia de coidar os nosos montes e as precaucións necesarias para evitar incendios. Tamén ofrecerán consellos prácticos sobre os coidados mínimos que debemos ter ao visitar os nosos bosques e como podemos previr situacións de risco.

Un chamamento á comunidade
O evento está deseñado para que tanto maiores como pequenos participen, fomentando a unión interxeracional e o compromiso de todos os membros da comunidade no coidado do seu entorno. Buscamos que toda a veciñanza se sienta involucrada e comprenda que iniciativas como esta contribúen de maneira significativa ao benestar de todos.

Este tipo de actividades non só serven para plantar árbores, senón tamén para reforzar o sentimento de comunidade e responsabilidade colectiva, axudando aos máis novos a entender a importancia da natureza e o respecto polo medio ambiente.

A importancia de coidar o medio ambiente
Nun mundo onde a protección do medio ambiente é cada vez máis urxente, «Plantando Vida» é un recordatorio de que, aínda que os nosos esforzos individuais poidan parecer pequenos, cada acción conta. Esta actividade demostra como a colaboración entre os veciños e as organizacións locais pode marcar unha diferenza real na conservación dos nosos recursos naturais.

«Plantando Vida» non é só unha xornada para sementar árbores, senón un chamado á acción para seguir mantendo o compromiso co coidado do entorno, especialmente en tempos de crecente preocupación polo cambio climático e a saúde dos nosos ecosistemas.

Desde a Asociación de Veciños de Parderrubias e a Comunidade de Montes de Parderrubias, anímase a todos os veciños a participar, compartir esta iniciativa cos seus familiares e amigos, e sentirse parte dun movemento que, a través de pequenos xestos, está facendo moito polo medio ambiente.

¡Agardámoste en «Plantando Vida»! Xuntos podemos facer a diferenza.

Con motivo do 8M, a organización de veciños organizada esta fin de semana dúas actividades que se llevarán a cabo no Obradoiro social A Revolta:

O venres 7 de Marzo ás 20:00, levarase a cabo a proxeccion “As sufraxistas”,unha película histórica que narra a loita das mulleres no Reino Unido para obter o dereito ao voto a principios do século XX. A trama céntrase en Maud Watts, unha moza traballadora da lavandería que, despois de vivir unha vida difícil e ser testemuña de inxustizas sociais, únese ao movemento sufraxista. Ao longo da película, Maud enfróntase á represión, á violencia policial e á discriminación, xa que se implica cada vez máis na causa da igualdade de dereitos.

O sábado 8 de marzo, con motivo do Día Internacional da Muller, as 19:30, a Asociación de veciños organiza unha actividade titulada «Raíces e logros: Da loita histórica aos avances en igualdade».

A xornada comezará cunha proxección dun documental que repasará os orixes e a evolución das loitas feministas vinculadas a esta data, destacando os logros alcanzados ao longo dos anos.

Despois da visualización, terá lugar unha mesa redonda na que se debaterán as políticas e programas en marcha promovidos polas administracións para fomentar a igualdade de xénero, onde se analizarán as medidas dispoñibles e os retos que aínda permanecen. A continuación dende a Asociación por ande en coñecemento dos asistentes as medidas que a Asociación está poñendo en marcha neste sentido.

A continuación terá lugar a mesa redonda na que 5 referentes emprendedoras falarán sobre as oportunidades e dificultades para emprender que se atopaban e atopan as mulleres.

A xornada rematará con pincho para favorecer o diálogo entre os participantes. Non o perdas!!!

XUNT@S FACEMOS MÁIS!!!