• A Asociación de Veciñ@s San Tomé documenta máis de 60 alcumes tradicionais que identifican ás familias da comunidade.
• O proxecto inclúe gravacións audiovisuais con testemuños veciñais e conta co financiamento da Deputación de Pontevedra e do Concello de Salceda de Caselas.

SALCEDA DE CASELAS, [24 de Julio 2026] — A Asociación de Veciñ@s Agrícola e Cultural San Tomé de Parderrubias ten posto en marcha un proxecto destinado a recuperar, documentar e poñer en valor os alcumes tradicionais da parroquia, un dos sinais de identidade máis representativos da súa historia e do seu patrimonio inmaterial.

Na actualidade, a parroquia conserva máis de 60 alcumes que identifican ás distintas familias e que, en moitos casos, son máis coñecidos que os propios nomes de orixe. Transmitidos de xeración en xeración, estes apelativos populares forman parte da memoria colectiva local e constitúen un valioso legado cultural que a entidade veciñal busca protexer contra o esquecemento.

Documentación audiovisual e memoria oral

Para levar a cabo este traballo de campo, o técnico en audiovisuais Marcos Romero atópase realizando a documentación gráfica e audiovisual en estreita colaboración coa asociación. A través de entrevistas en profundidade ás familias de Parderrubias, estanse a recompilar testemuños sobre a orixe destes alcumes, así como vivencias, tradicións, festas, costumes e acontecementos clave da historia local.

«Os alcumes non só identifican ás familias, senón que tamén contan historias, explican a evolución da comunidade e fortalecen o sentimento de pertenza ao territorio», destacan dende a Asociación de Veciñ@s San Tomé. «Recuperar a identidade de Parderrubias a través dos testemuños dos seus veciños e veciñas supón unha oportunidade única para preservar unha parte da nosa historia que, doutro xeito, podería perderse.»

Raíces con proxección internacional

Entre os alcumes recompilados figuran algúns vinculados a liñaxes de personaxes de gran relevancia pública. É o caso de familias das que proceden figuras de proxección internacional como o actor hollywoodiense Martin Sheen ou o futbolista profesional Denis Suárez, o que amosa como estes nomes populares forman parte da historia viva e transcendente da parroquia.

Apoio institucional

O proxecto conta cun investimento total de 4.083,75 euros, financiado nun 70 % pola Deputación de Pontevedra e nun 30 % polo Concello de Salceda de Caselas. Esta colaboración entre administracións e tecido asociativo e veciñal fai posible desenvolver unha iniciativa centrada na recuperación da memoria oral.

Con esta acción, a Asociación de Veciñ@s Agrícola e Culrura San Tomé de Parderrubias reafirma o seu compromiso coa conservación da identidade e das tradicións locais, garantindo que este patrimonio inmaterial continúe vivo e sexa transmitido ás futuras xeracións, o tempo que segue apostando por actividades interxeracionáis que unan as distintas xeracións da parroquia.

Contacto de prensa:

• Entidade: Asociación de Veciñ@s Agrícola e Cultural San Tomé de Parderrubias
• Lugar: Parderrubias, Salceda de Caselas (Pontevedra)
• Correo electrónico: comunicacion@aavvparderrubias.com

Pero os motivos para dar as grazas non quedan aí. Queremos agradecer de corazón que nos permitisen estrear a carpa nova que adquiriu a comisión para o uso de toda a parroquia.
Unha mención moi especial e un aplauso enorme vai para todas as persoas da comisión de 2026 e da nova comisión de 2027. Grazas por achegarvos a botar unha man e axudar a montala; grazas a vós, os músicos puideron tocar un pouquiño máis resgardados e conseguimos aminorar a calor sufocante do día. Iso si que é espírito de equipo!

Cando as cousas se traballan en común, o resultado é simplemente marabilloso. Demostramos, unha vez máis, que temos a mellor parroquia e os mellores veciños de toda a contorna.

Grazas a todos por facer de hoxe un día tan especial! Viva San Tomé e viva Parderrubias!

Por petición popular en Outubro volvemos traer a Refugallo Rock no noso Serán

A disfrutar do Domingo de Sol

Os castiñeiros foron solicitados pola Asociación de Veciñ@s San Tomé de Parderrubias a medio Rural, coa finalidade de realizar unha plantación conxunta na parroquia.
Hoxe medios de medio Rural, alumn@s do IES Pedras Rubias, asociación de veciñ@s e a Comunidade de Montes realizaron esta plantación, que prentende crear zonas dominadas por frondosa autoctona para protexer á cidadanía do avance dos lumes, elexindo plantar estás especies nas zonas próximas a perímetros urbans.
Unha acción conxunta para traballar por unha parroquia unida, onde os xovenes tiveron o protagonismo da xornada.
Grazas por crear sinerxias e traballar en conxunto

A firma Abella Leda, do noso veciño Joseba Aramburu, vén de acadar a medalla de ouro nos Paris Honey Awards co seu mel de milflores.

Este recoñecemento súmase á medalla de ouro nos London Honey Awards e ao premio ao mellor mel de castiñeiro no concurso nacional de Mieladictos, confirmando un traballo feito con calma, coidado e moita paixón pola apicultura.

Un éxito que pon en valor non só a calidade do produto, senón tamén unha forma de traballar respectuosa co medio e fundamental para a protección das abellas.

Desde a Asociación de Veciños de Parderrubias os nosos parabéns por este recoñecemento a un traballo feito con tanto cariño e respeto, e por producir este mel entró outros lugares dende a Nosa parroquia de Parderrubias, facendonos sentir ainda máis orgullosos deste recoñecemento.

Se queredes adquirir físicamente este producto podedes facelo no Obradoiro Social Aula da Revolta (https://maps.app.goo.gl/Rbd6VC7Nu2KKVN95A?g_st=ic), os lunes, mercores e Venres pola tarde ou escribindo o WhatsApp +34 648 03 07 23

#VivaOMelDeParderrubias; #AbellaLeda #ComercioDeProximidade #RespetoOMedio #MeldeGalicia #MelNatural #Mel

A Asociación de Veciños de Parderrubias continúa a traballar na mellora da Aula Sénior, un espazo de referencia na provincia que acolle e atende ás persoas maiores da parroquia e os arredores. Actualmente, a Aula Sénior conta cunha media de 11 usuarias e usuarios anuais que se benefician dun amplo abano de actividades.

Nun recóndito lugar da parroquia de Parderrubias, no concello de Salceda de Caselas, desenvólvense diferentes actividades cognitivas e de sociabilidade que permiten ás nosas avoas e avós desfrutar das tardes nun ambiente acolledor e participativo. Estas actividades non só teñen como obxectivo a mellora das capacidades sensoriais e cognitivas, senón que tamén se converten nun importante punto de encontro, fomentando a convivencia e a creación de momentos emotivos compartidos e de loita contra a soidade non desexada.

Para levar a cabo esta iniciativa, a Aula Sénior conta cunha educadora social que acode os luns, mércores e venres en horario de 16:00 a 19:30 horas, desenvolvendo actividades orientadas a mellorar as relacións sociais e a capacidade memorística das persoas participantes.

Moitas das usuarias e usuarios manifestaban anteriormente un sentimento de soidade, agravado pola falta de mobilidade e pola dificultade para participar en encontros sociais. Grazas á Aula Sénior, as persoas maiores participan en vídeos, saídas, xogos e diferentes dinámicas que contribúen de maneira significativa á mellora do seu estado de ánimo e benestar emocional.

Ver ás nosas persoas maiores felices, activas e compartindo experiencias é, sen dúbida, o maior éxito desta iniciativa.

Para o desenvolvemento da actividade, contamos coa colaboración económica da Deputación de Pontevedra, a través dunha achega de 3.600 euros para actuacións no ámbito social que teñen permitido ampliar o horario de actuación, e do Concello de Salceda de Caselas mediante o Pacto de Estado, cunha achega de 1.500 euros. A isto súmase a contribución das persoas usuarias, cunha cota mensual de 55 euros.

Grazas a estas achegas, a Asociación de Veciños de Parderrubias pode dar continuidade ás actividades da Aula Sénior, mantendo o seu compromiso de seguir chamando a diferentes portas para garantir a continuidade e mellora deste proxecto social tan necesario para a concialiación familiar e o acompañamento dos nosos maiores.

Se tes interés en informarte sobre esta actividade ou tes algún familiar que queira asistir, podes facelo contactando co numero da asociación a través de whatsapp: +34 648 03 07 23 ou visitar a nosa WEB: https://www.aavvparderrubias.com

Cabalgata de Papá Noel – 24 de decembro
Preparádevos para recibir a Papá Noel nun percorrido cheo de ilusión!

15:00h: Saída dende o Obradoiro Social A Revolta para percorrer o barrio da Revolta -presa para regresar o centro cultural.

16:15h: Recepción de Papá Noel e agasallos para os nenos no Centro Cultural de Parderrubias.

16:30h: Actuación da Rondalla de Ventosela (Redondela) no Centro Cultural.

Visita dos Reis Magos – 5 de xaneiro
Súas Maxestades de Oriente non faltarán á súa cita anual coa nosa parroquia.

15:00h: Desfile de Súas Maxestades pola parroquia de o tempo acompaña.

16:00h: Recepción e sorpresas no Centro Cultural de Parderrubias.

18:00 participación da cabalgata de parderrubias na gran cabalgata de Salceda de Caselas.

BUSCAMOS PARTICIPANTES!
Queres vivir o Nadal dende dentro? Buscamos persoas que queiran participar nas cabalgatas do 5 de xaneiro. Se tes ganas de divertirte e repartir ilusión, ponte en contacto con nós!

Como participar ou solicitar información?

WhatsApp da Directiva: +34 648 03 07 23.

Agardámoste para celebrar estas festas en comunidade!

Como todolos nos preparamos con agarimo e devoción os actos que cada año forman parte da Nosa programación.

Esta programación conta tod@s os anos con actividades para todos os públicos que tratan de poñer en valor a nosa tradición, os nosos costumes, a Nosa lingua e de crear comunidade favoreciendo espazos onde poidamos compartir encontros con outros veciños e veciñas da nosa ou doutras parroquias dos arredores.

Entre as actividades que se celebra este día están a “Exposición da colleita”, una exposición de instrumentos tradicionais gallegos e ferramentas que se empregaba no campo, cubro con frontis propios do tempo.

Este ano sumamos un acto especial, a proxeccion do video titulado: ¿Qué podemos aprender dos avós?,Un vídeo que non é só un vídeo, senón unha historia compartida, feita de lembranzas, afectos e colaboración que tanto nos gustan na Asociación de veciños, entre nenos, xóvenes, maiores e distintos grupos de asociación e administración públicas.

Entre os artistas principais, os nosos maiores, protagonistas deste vídeo, os que damos as grazas por compartir connosco a súa memoria, a súa voz e a súa sabedoría: Ana maría, Valeriana, fina, Otilia, lucita, rosa, ramona, luz, minda, maruxa, juan, salvador e Pura e Justo.
Grazas por abrirnos as portas da vosa vida e por seguir sendo exemplo de comunidade viva.

A producción e edición da pieza visual correu a cargo de Marco Romero Lemos e contó co apoio funcional e presupostario da Asociación de veciños San Tomé Parderrubias e a Asociación Xuvenil San Amaro de Parderrubias.

Esta creación audiovisual estivo subvencionada cun total de case 4.500€ pola Deputacion de Pontevedra, onde se inclúen outras liñas de traballo como a formación os nosos maiores en redes sociais.

Contamos coa asistencia de moitos veciños e amigos que encheron o auditorio.

A continuación tivo lugar o acto de entrega do PREMIO VECIÑO HONORAbLE 2025 que este año recaeu en Salvador González Estévez, Veciño da Revolta de 93 años e mais de 20 años como socio da Asociación de veciños.

A presidenta da asociación dirixiu algunhas palabras o auditorio: “A vosa confianza é fundamental para que iniciativas como esta sigan medrando.
Este vídeo é moito máis que imaxes: é un reflexo do que somos cando traballamos xuntos,
cando poñemos en común o que temos e o que somos. Que este acto sexa un recordatorio de que a unión fai a forza, e que a nosa parroquia ten futuro porque ten memoria.”

Todo o acto estuvo amenizado pola vas de música SDS (Somos de Salceda), unha banda xoven que ven pegando moi forte

A continuación tivo lugar o serán no que participaron varios grupos da contorna mentres se disfrutaba duns vos pinchos de chourizo e Ourella, e un chocolate ben quente.

Grazas a todos polo voso compromiso con Parderrubias!

Asociación de Veciños de Parderrubias

A Asociación de Veciños de Parderrubias comprácese en anunciar o rotundo éxito da recente celebración de San Tomé, unha festividade que, como cada ano, reúne a veciños e visitantes nun ambiente de alegría e tradición. Aínda que a festividade principal se celebra tradicionalmente o 3 de xullo, este ano tomouse a decisión de trasladar os actos principais ao domingo máis próximo, permitindo así unha maior participación e goce de todos os veciños.

A xornada festiva comezou puntualmente ás 12:15 horas coa solemne misa, que foi oficiada polo noso querido párroco, Don Emilio. Tras a eucaristía, os asistentes participaron na emotiva procesión, un momento de recollemento e devoción que percorreu as rúas de Parderrubias, engalanadas para a ocasión.

O broche de ouro á mañá púxoo a magnífica celebración de rosquillas e viño compartidos baixo a actuación do grupo de gaitas Xunco, que coas súas melodías tradicionais encheu de música e folclore o ambiente, facendo bailar e gozar a grandes e pequenos. A súa participación, como sempre, foi moi aplaudida e contribuíu a crear unha atmosfera inmellorable.

Dende a Asociación de Veciños de Parderrubias, queremos agradecer sinceramente a todos os que fixeron posible esta celebración: ao párroco Don Emilio pola súa dedicación, ao grupo de gaitas Xunco polo seu talento, e, por suposto, a todos os veciños e asistentes polo seu entusiasmo e participación.

A vosa presenza é a que dá sentido a estas tradicións e nos anima a seguir traballando para manter viva a esencia da nosa comunidade.
¡Agardamos vervos a todos o vindeiro ano para seguir celebrando xuntos San Tomé!

E para elo visitaremos esta vez as terras de Cangas, e disfrutaremos dun fabuloso paseo en barco. Se queres acompañarnos apúntate o próximo día 6 de xullo no centro cultural de parderrubias, en salceda de caselas.