A Asociación de Veciños de Parderrubias continúa a traballar na mellora da Aula Sénior, un espazo de referencia na provincia que acolle e atende ás persoas maiores da parroquia e os arredores. Actualmente, a Aula Sénior conta cunha media de 11 usuarias e usuarios anuais que se benefician dun amplo abano de actividades.

Nun recóndito lugar da parroquia de Parderrubias, no concello de Salceda de Caselas, desenvólvense diferentes actividades cognitivas e de sociabilidade que permiten ás nosas avoas e avós desfrutar das tardes nun ambiente acolledor e participativo. Estas actividades non só teñen como obxectivo a mellora das capacidades sensoriais e cognitivas, senón que tamén se converten nun importante punto de encontro, fomentando a convivencia e a creación de momentos emotivos compartidos e de loita contra a soidade non desexada.

Para levar a cabo esta iniciativa, a Aula Sénior conta cunha educadora social que acode os luns, mércores e venres en horario de 16:00 a 19:30 horas, desenvolvendo actividades orientadas a mellorar as relacións sociais e a capacidade memorística das persoas participantes.

Moitas das usuarias e usuarios manifestaban anteriormente un sentimento de soidade, agravado pola falta de mobilidade e pola dificultade para participar en encontros sociais. Grazas á Aula Sénior, as persoas maiores participan en vídeos, saídas, xogos e diferentes dinámicas que contribúen de maneira significativa á mellora do seu estado de ánimo e benestar emocional.

Ver ás nosas persoas maiores felices, activas e compartindo experiencias é, sen dúbida, o maior éxito desta iniciativa.

Para o desenvolvemento da actividade, contamos coa colaboración económica da Deputación de Pontevedra, a través dunha achega de 3.600 euros para actuacións no ámbito social que teñen permitido ampliar o horario de actuación, e do Concello de Salceda de Caselas mediante o Pacto de Estado, cunha achega de 1.500 euros. A isto súmase a contribución das persoas usuarias, cunha cota mensual de 55 euros.

Grazas a estas achegas, a Asociación de Veciños de Parderrubias pode dar continuidade ás actividades da Aula Sénior, mantendo o seu compromiso de seguir chamando a diferentes portas para garantir a continuidade e mellora deste proxecto social tan necesario para a concialiación familiar e o acompañamento dos nosos maiores.

Se tes interés en informarte sobre esta actividade ou tes algún familiar que queira asistir, podes facelo contactando co numero da asociación a través de whatsapp: +34 648 03 07 23 ou visitar a nosa WEB: https://www.aavvparderrubias.com

Como todolos nos preparamos con agarimo e devoción os actos que cada año forman parte da Nosa programación.

Esta programación conta tod@s os anos con actividades para todos os públicos que tratan de poñer en valor a nosa tradición, os nosos costumes, a Nosa lingua e de crear comunidade favoreciendo espazos onde poidamos compartir encontros con outros veciños e veciñas da nosa ou doutras parroquias dos arredores.

Entre as actividades que se celebra este día están a “Exposición da colleita”, una exposición de instrumentos tradicionais gallegos e ferramentas que se empregaba no campo, cubro con frontis propios do tempo.

Este ano sumamos un acto especial, a proxeccion do video titulado: ¿Qué podemos aprender dos avós?,Un vídeo que non é só un vídeo, senón unha historia compartida, feita de lembranzas, afectos e colaboración que tanto nos gustan na Asociación de veciños, entre nenos, xóvenes, maiores e distintos grupos de asociación e administración públicas.

Entre os artistas principais, os nosos maiores, protagonistas deste vídeo, os que damos as grazas por compartir connosco a súa memoria, a súa voz e a súa sabedoría: Ana maría, Valeriana, fina, Otilia, lucita, rosa, ramona, luz, minda, maruxa, juan, salvador e Pura e Justo.
Grazas por abrirnos as portas da vosa vida e por seguir sendo exemplo de comunidade viva.

A producción e edición da pieza visual correu a cargo de Marco Romero Lemos e contó co apoio funcional e presupostario da Asociación de veciños San Tomé Parderrubias e a Asociación Xuvenil San Amaro de Parderrubias.

Esta creación audiovisual estivo subvencionada cun total de case 4.500€ pola Deputacion de Pontevedra, onde se inclúen outras liñas de traballo como a formación os nosos maiores en redes sociais.

Contamos coa asistencia de moitos veciños e amigos que encheron o auditorio.

A continuación tivo lugar o acto de entrega do PREMIO VECIÑO HONORAbLE 2025 que este año recaeu en Salvador González Estévez, Veciño da Revolta de 93 años e mais de 20 años como socio da Asociación de veciños.

A presidenta da asociación dirixiu algunhas palabras o auditorio: “A vosa confianza é fundamental para que iniciativas como esta sigan medrando.
Este vídeo é moito máis que imaxes: é un reflexo do que somos cando traballamos xuntos,
cando poñemos en común o que temos e o que somos. Que este acto sexa un recordatorio de que a unión fai a forza, e que a nosa parroquia ten futuro porque ten memoria.”

Todo o acto estuvo amenizado pola vas de música SDS (Somos de Salceda), unha banda xoven que ven pegando moi forte

A continuación tivo lugar o serán no que participaron varios grupos da contorna mentres se disfrutaba duns vos pinchos de chourizo e Ourella, e un chocolate ben quente.

Hoxe é o último día para rexistrarse no taller 1 da primeira edición de «Yo conecto» que levará a cabo en parderrubias do 24 ao 27 de Marzo. O curso é gratuito e poderán acceder a él todas aquelas persoas maiores de 60 anos.

• Taller 1: L.1. Iniciación ao Mundo Dixital

• Programación: Luns 24 de Marzo ao Xoves 27 de Marzo. Horario: 16:30-18:30

• Modalidade: Presencial

Neste curso aprenderás os primeiros pasos no uso do computador ou o móbil, desde descargar unha app, facer unha videochamada ou enviar un correo electrónico.

«YoConecto» son cursos adaptados a todos os niveis, que permitirán ás persoas participantes aprender a navegar de forma segura por Internet, realizar xestións coa Administración electrónica e a banca dixital. Ademais, poderán utilizar redes sociais e ferramentas dixitais de maneira creativa e segura, comunicarse por videochamada e descubrir plataformas e apps para a aprendizaxe, o lecer e a saúde.

Tamén aprenderán a impulsar o seu negocio en contornas dixitais e a crear o seu currículo dixital. Todo o que necesitan para avanzar en internet.

Estas actuacións forman parte da iniciativa Xeración D impulsada por Red.es, Ministerio para a Transformación Dixital e da Función Pública, e están financiadas polo Plan de Recuperación, Transformación e Resiliencia a través dos fondos Next Generation da Unión Europea.

O próximo venres 14 a partir das 18:30, no Obradoiro Social da Revolta en Parderrubias, recibiremos a visita do Rancho de Salceda que agasallará os nosos maiores participantes na actividade “Aula Senior” da Revolta e a todos e a todas aqueles veciños e veciñas que se queiran achegar cunha fantástica actuación.

Dende a Directiva da Asociación de Veciños de Parderrubias non podemos máis que agradecer esta actuación e visita altruista, que forma parte das colaboracións con outros colectivos, desenvoltas dende esta Asociacion , das que nos sentimos moi orgullosos.

Salceda é unha poboación que posúe un tecido asociativo do que sentirse ben orgullosos, Pois hai que lembrar que as persoas que os forman o fan por vocación e de forma altruista, o que é si cabe máis digno de admirar, porque son xente cun gran corazón e vocación de servizo. Ole, Ole e Ole por tod@s eles e elas.

VIVA O ENTROIDO DE SALCEDA!!

Está pasada semana tras a visita de Xefa de Violencia de Xénero da subdelegación do goberno, con motivo da subvención dos fondos do pacto de estado destinados polo Concello a esta actividade, distintos medios de comunicación se interesaron pola nosa iniciativa de “Aula Senior”, unha actividade na que máis de 15 maiores asisten luns, mércores e venres ó Obradoiro Aula da Revolta onde desfrutan de diversas actividades en horario de 16:00 a 19:00.

O proxecto que empezou hai un ano con Pura e Salvador e a colaboración altruista de varios membros da Directiva da asociación, converteuse dende ese día nunha das actividades principais da asociación pola resposta dos maiores e as súas familias, e a conciliación que significa para eles.

Ademáis o proxecto significa para estes maiores un soplo de aire fresco, xa que todolos días, en palabras propias deles mesmos, se preparan para voltar a escola onde un día recibiron clases.

O centro foi adaptado e recuperado pola colaboración indispensable do Concello e o traballo altruista de varios veciños que doaron materias, mobiliario, puxeron man de obra para realizar obras de acondicionamento, convertendo este espazo nun lugar acolledor para todos e todas aqueles que veñen a visitarnos.

Todavia quedan plazas libres así que si queres coñecer o servizo non dubides en escribirnos un whatsapp no teléfono +34 648 03 07 23 para concretar unha cita connosco.

Deixamosvos a continuación todas as publicacions en prensa gráfica e as dúas entrevistas de radio que fixemos en Radio COPE e en Si Radio. Grazas a eles polo seu interese e por dar difusión a esta iniciativa tan maravillosa para nós.

Entrevistas de Radio:

Artículos prensa escrita:

– Faro de Vigo: https://www.farodevigo.es/comarcas/2025/02/16/volver-escuela-60-anos-despues-114346746.html

– Atlántico Diario: https://www.atlantico.net/salceda-de-caselas/salceda-cuida-mayores-proyecto-pionero_1_20250216-3413892.html

– Atlántico X: https://x.com/AtlanticoDiario/status/1891155626270552303?mx=2

– Xornal 21: https://xornal21.com/art/62451/quince-mayores-reciben-atencion-en-un-proyecto-pionero-en-parderrubias

– Valmiñor TV: https://valminortv.com/2025/02/15/15-mayores-reciben-atencion-en-un-proyecto-pionero-en-parderrubias/

– Concello de Salceda: https://salcedadecaselas.gal/15-maiores-reciben-atencion-nun-proxecto-pioneiro-en-parderrubias/

Este proxecto pioneiro finánciase con fondos do Pacto de Estado contra a Violencia de Xénero do Ministerio de Igualdade. Por iso, esta semana recibimos con ledicia e orgullo a visita de María José Rodríguez, Xefa da unidade contra a violencia sobre a muller da Subdelegación do Goberno, acompañada da Alcaldesa Loli Castiñeira e da Concelleira de Igualdade Selene González, quixeron coñecelo de primeira man.

Queremos agradecer o esforzo dás persoas voluntarias e ás familias que confiaron e apostaron por este proxecto, que devolve un pouquiño de todo o que as nosas mulleres do rural fixeron polos coidados de todas e todos nós.