#SanToméParderrubias – AAVV Parderrubias

Un fin de semana cheo de emocións no XVIII Serán da colleita de Parderrubias

admin — Mon, 06 Oct 2025 17:41:24 +0000

Esta fin de semana tuvo lugar o noso XVIII serán da colleita.

Como todolos nos preparamos con agarimo e devoción os actos que cada año forman parte da Nosa programación.

XVIII Serán da colleita de parderrubias.

Esta programación conta tod@s os anos con actividades para todos os públicos que tratan de poñer en valor a nosa tradición, os nosos costumes, a Nosa lingua e de crear comunidade favoreciendo espazos onde poidamos compartir encontros con outros veciños e veciñas da nosa ou doutras parroquias dos arredores.

Entre as actividades que se celebra este día están a “Exposición da colleita”, una exposición de instrumentos tradicionais gallegos e ferramentas que se empregaba no campo, cubro con frontis propios do tempo.

Este ano sumamos un acto especial, a proxeccion do video titulado: ¿Qué podemos aprender dos avós?,Un vídeo que non é só un vídeo, senón unha historia compartida, feita de lembranzas, afectos e colaboración que tanto nos gustan na Asociación de veciños, entre nenos, xóvenes, maiores e distintos grupos de asociación e administración públicas.

Compoñentes e autores do video da Aula Senior

Entre os artistas principais, os nosos maiores, protagonistas deste vídeo, os que damos as grazas por compartir connosco a súa memoria, a súa voz e a súa sabedoría: Ana maría, Valeriana, fina, Otilia, lucita, rosa, ramona, luz, minda, maruxa, juan, salvador e Pura e Justo.
Grazas por abrirnos as portas da vosa vida e por seguir sendo exemplo de comunidade viva.

A producción e edición da pieza visual correu a cargo de Marco Romero Lemos e contó co apoio funcional e presupostario da Asociación de veciños San Tomé Parderrubias e a Asociación Xuvenil San Amaro de Parderrubias.

Esta creación audiovisual estivo subvencionada cun total de case 4.500€ pola Deputacion de Pontevedra, onde se inclúen outras liñas de traballo como a formación os nosos maiores en redes sociais.

Contamos coa asistencia de moitos veciños e amigos que encheron o auditorio.

A continuación tivo lugar o acto de entrega do PREMIO VECIÑO HONORAbLE 2025 que este año recaeu en Salvador González Estévez, Veciño da Revolta de 93 años e mais de 20 años como socio da Asociación de veciños.

A presidenta da asociación dirixiu algunhas palabras o auditorio: “A vosa confianza é fundamental para que iniciativas como esta sigan medrando.
Este vídeo é moito máis que imaxes: é un reflexo do que somos cando traballamos xuntos,
cando poñemos en común o que temos e o que somos. Que este acto sexa un recordatorio de que a unión fai a forza, e que a nosa parroquia ten futuro porque ten memoria.”

Todo o acto estuvo amenizado pola vas de música SDS (Somos de Salceda), unha banda xoven que ven pegando moi forte

A continuación tivo lugar o serán no que participaron varios grupos da contorna mentres se disfrutaba duns vos pinchos de chourizo e Ourella, e un chocolate ben quente.

¡Traballo en equipo pola auga de Parderrubias! Rematados os traballos de limpeza de pozas no Liñar e Vilasusán

admin — Wed, 09 Jul 2025 18:57:06 +0000

Comprácenos anunciar a finalización dos traballos de limpeza de pozas comprometidos dentro do noso plan anual de colaboración, posto en marcha pola Asociación de Veciños San Tomé de Parderrubias . Este importante proxecto iniciado xa hai varios anos, levouse a cabo grazas ao esforzo conxunto cos regantes da parroquia e a inestimable cooperación da Concellaría de Medio Ambiente de Salceda de Caselas, dirixida polo concelleiro Marcos Troncoso. Dende a asociación, estamos firmemente comprometidos co mantemento e a mellora dos nosos recursos hídricos. A limpeza periódica das pozas é crucial para garantir a calidade e a dispoñibilidade da auga, un ben esencial para todos os veciños e para o desenvolvemento da actividade agrícola en Parderrubias.
Queremos agradecer de corazón a participación activa dos regantes, cuxa implicación foi fundamental para o éxito desta iniciativa. O seu coñecemento do terreo e a súa dedicación permitiron que os labores se desenvolvan de maneira eficiente e efectiva. Así mesmo, expresamos a nosa gratitude á Concellaría de Medio Ambiente e ao concelleiro Marcos Troncoso polo seu apoio constante e por facilitar os medios necesarios para levar a cabo estes traballos. Esta colaboración interinstitucional é un claro exemplo de como a unión de forzas pode lograr grandes beneficios para a nosa comunidade.
A preservación dos nosos recursos naturais é unha tarefa de todos, e proxectos coma este demostran que, traballando xuntos, podemos asegurar un futuro máis sostible para Parderrubias.

Poza limpia coa colaboración público privada de Concello de Salceda e regantes

Lavadoiro de Vilasusán

Grazas a todos polo voso compromiso con Parderrubias!

Asociación de Veciños de Parderrubias

Gran éxito na celebración do San Tomé en Parderrubias!

admin — Mon, 07 Jul 2025 17:11:36 +0000

Salceda de Caselas, [7 de xullo de 2025]

A Asociación de Veciños de Parderrubias comprácese en anunciar o rotundo éxito da recente celebración de San Tomé, unha festividade que, como cada ano, reúne a veciños e visitantes nun ambiente de alegría e tradición. Aínda que a festividade principal se celebra tradicionalmente o 3 de xullo, este ano tomouse a decisión de trasladar os actos principais ao domingo máis próximo, permitindo así unha maior participación e goce de todos os veciños.

Actuación do Grupo de gaitas Xunco de Parderrubias

A xornada festiva comezou puntualmente ás 12:15 horas coa solemne misa, que foi oficiada polo noso querido párroco, Don Emilio. Tras a eucaristía, os asistentes participaron na emotiva procesión, un momento de recollemento e devoción que percorreu as rúas de Parderrubias, engalanadas para a ocasión.

O broche de ouro á mañá púxoo a magnífica celebración de rosquillas e viño compartidos baixo a actuación do grupo de gaitas Xunco, que coas súas melodías tradicionais encheu de música e folclore o ambiente, facendo bailar e gozar a grandes e pequenos. A súa participación, como sempre, foi moi aplaudida e contribuíu a crear unha atmosfera inmellorable.

Dende a Asociación de Veciños de Parderrubias, queremos agradecer sinceramente a todos os que fixeron posible esta celebración: ao párroco Don Emilio pola súa dedicación, ao grupo de gaitas Xunco polo seu talento, e, por suposto, a todos os veciños e asistentes polo seu entusiasmo e participación.

A vosa presenza é a que dá sentido a estas tradicións e nos anima a seguir traballando para manter viva a esencia da nosa comunidade.
¡Agardamos vervos a todos o vindeiro ano para seguir celebrando xuntos San Tomé!