Recibimos a visita da Xefa da unidade contra a violencia sobre a muller da Subdelegación do Goberno

O concello de Salceda de Caselas vén de colaborar coa Asociación Veciñal Agrícola e Cultural Santo Tomé de Parderrubias nun proxecto que mellora o envellecemento saudable de máis de 15 mulleres maiores e favorece a conciliación e apoio ás súas familias.

Este proxecto pioneiro finánciase con fondos do Pacto de Estado contra a Violencia de Xénero do Ministerio de Igualdade. Por iso, esta semana recibimos con ledicia e orgullo a visita de María José Rodríguez, Xefa da unidade contra a violencia sobre a muller da Subdelegación do Goberno, acompañada da Alcaldesa Loli Castiñeira e da Concelleira de Igualdade Selene González, quixeron coñecelo de primeira man.

Queremos agradecer o esforzo dás persoas voluntarias e ás familias que confiaron e apostaron por este proxecto, que devolve un pouquiño de todo o que as nosas mulleres do rural fixeron polos coidados de todas e todos nós.